अमेरिकाले ट्यारिफबाट कमायो १०० बिलियन डलर

काठमाण्डौ । अमेरिकाले ट्यारिफमार्फत दैनिक करोडौं डलरबराबरको राजश्व संकलन गरिरहेको छ । जुलाई महिनामा अमेरिकाले ३० बिलियन डलरबराबरको ट्यारिफ शुल्क संकलन गरेको छ ।

अमेरिकी ट्रेजरी डिपार्टमेन्टका अनुसार यो रकम गत वर्षको सोही अवधिको तुलनामा २४२ प्रतिशतले बढी हो ।

गत अप्रिल महिनादेखि अमेरिकी राष्ट्रपति डोनाल्ड ट्रम्पले अमेरिकामा आउने लगभग सबैजसो सामानमा १० प्रतिशत ट्यारिफ लगाउने सुरु गरेएता अमेरिकी सरकारले १०० बिलियन डलर ट्यारिफ शुल्क संकलन गरेको छ । जुन गत वर्षको ४ महिना अवधिको तुलनामा तीन गुणा बढी हो ।

ट्यारिफमार्फत संकलन भईरहेको यति ठूलो रकमले अमेरिकी सरकारले आखिर के गरिरहेको छ त ?

ट्रम्पले ट्यारिफलबाट संकलित रकम विेशष गरेर दुई तरिकाले खर्च गर्ने योजना बनाएका छन् । पहिलो भनेको सरकारी ऋण तिर्ने र अर्को अमेरिकी जनतालाई ‘ट्यारिफ रिबेट चेक’ प्रदान गर्ने ।

‘ट्यारिफको मुख्य उद्देश्य भनेको सरकारी ऋण तिर्नु हो र यो ठूलो परिणाममा हुनेछ,’ ट्रम्पले भने, ‘तर ट्यारिफमार्फत धेरै रकम आउने सम्भावना भएकाले त्यो रकम जनतामा लाभांशको रुपमा बाड्न सकिन्छ ।’