कोलकातामाथि गुजरात ५ विकेटले विजयी

हमदाबाद – कप्तान शुभमन गिलको विष्फोटक ब्याटिङ मद्दतमा गुजरात टाइटन्सले इन्डियन प्रिमियर लिग (आईपीएल) मा कोलकाता नाइट राइडर्स (केकेआर) माथि रोमान्चक जित दर्ता गरेको छ । शुक्रबार राति अहमदाबादमा भएको खेलमा गुजरातले कोलकातालाई ५ विकेटले पराजित गरेको हो ।

कोलकाताले दिएको १८१ रनको लक्ष्य गुजरातले १९.४ ओभरमा ५ विकेट गुमाएर पूरा गर्‍यो । गुजरातको जितमा नायक बनेका गिलले ५० बलमा ८६ रनको सानदार इनिङ खेले । उनी ‘प्लेयर अफ द म्याच’ चुनिए । अन्तिम ओभरसम्म तन्किएको रोमान्चक भिडन्तमा गुजरातले २ बल बाँकी छँदै जित हात पारेको हो ।

यसअघि टस हारेर पहिले ब्याटिङ गरेको कोलकाताले निर्धारित २० ओभरमा १८० रन बनाएको थियो । मध्यम योगफल रक्षा गर्ने क्रममा कोलकाताका बलरले कसिलो बलिङ गरे पनि गिलको ब्याटिङसामु त्यो पर्याप्त हुन सकेन ।

जितसँगै गुजरात टाइटन्स अंक तालिकाको चौथो स्थानमा उक्लिएको छ भने पराजित कोलकाता तालिकाको पुछारमा सीमित छ ।