शेयर बजार आज दोहोरो अंकले वृद्धि, सबै समूहमा हरियाली

काठमाण्डौ । साताको अन्तिम कारोबार दिन आज पनि नेपाल स्टक एक्सचेञ्च (नेप्से) परिसूचक दोहोरो अंकले बढेको छ । आज नेप्से परिसूचक ०.६४ प्रतिशत अर्थात १८.३० अंकले बढेर २ हजार ८५०.३७ विन्दुमा पुगेको छ ।

यो दिन बलिया र राम्रा कम्पनीको मापक सेन्सेटिभ इन्डेक्स पनि ०.५३ प्रतिशतले बढेर ४९०.१६ विन्दुमा पुगेको छ । यो दिन नेप्सेमा सूचीकृत मध्ये ३१८ वटा स्क्रिप्टको २ करोड ५४ लाख ३ हजार ५४० कित्ता सेयर ८ अर्ब ५३ करोड ७५ लाख रुपैयाँभन्दा बढीको कारोबार भएको छ ।

यो दिन नेप्सेमा सूचीकृत १३ वटै समूहमा हरियाली छायो । आज फाइनान्स समूह सर्वाधिक अर्थात १.३९ प्रतिशतले बढ्यो ।

यस्तै आज बैंकिङ समूह ०.५४ प्रतिशत, विकास बैंक ०.६२, होटल ०.४७, हाईड्रो ०.७८, लगानी ०.३३, जीवन बीमा ०.८९, उत्पादन तथा प्रशोधन १.१५, लघुवित्त ०.३७,म्युचुअल फण्ड ०.३५, निर्जीवन बीमा ०.४७, अन्य १.०१ र व्यापार समूह १.१३ प्रतिशतले बढ्यो ।