शिक्षक आन्दोलनका कारण बन्द रहेका सरकारी विद्यालयहरु आजबाट नियमित रुपमा खुले

काठमाडौं– शिक्षक आन्दोलनका कारण झण्डै एक महिना बन्द रहेका सरकारी विद्यालयहरु आजबाट नियमित रुपमा खुलेका छन् । नेपाल शिक्षक महासंघ र सरकारबिच सहमति भए संगै आजदेखि सरकारी विद्यालय खुलेका हुन्।

देशभरका विद्यालय बन्द गरेर शिक्षकहरू आन्दोलनका लागि काठमाडौं आएका थिए । आन्दोलनका कारण पठनपाठन ठप्प हुनुका साथै भर्ना अभियान पनि प्रभावित भएको थियो ।

सरकारसँग नौ बुँदे सहमति भएसँगै शिक्षकहरू कर्मथलो फर्किएका हुन् । सहमति अस्ति बुधबार भए पनि हिजो सार्वजनिक भएका कारण स्कुल आजदेखि खुलेका छन् । सुरुमा भर्ना अभियान पूरा हुने र त्यसपछि केही दिनमा पठनपाठन सुचारु हुने बताइएको छ ।