थापाथलीका सुकुमबासी बस्ती खाली, ६ परिवार दशरथ रंगशालामा स्थानान्तरण

काठमाडौं– थापाथलीस्थित बागमती नदी किनारामा रहेको अव्यवस्थित बस्ती खाली गरिएको छ।

बस्ती खाली गर्ने क्रममा आफू घरबारविहीन भएको बताएका ६ परिवारका सदस्यलाई दशरथ रङ्गशालामा लगिएको छ।

बस्तीका टहरा हटाउनुअघि स्वेच्छाले स्थानान्तरण हुन चाहने परिवारलाई महानगर प्रहरी बल र नेपाल प्रहरीले गन्तव्यसम्म पुग्न मानवीय सहयोगका साथै सवारी साधन र व्यवस्थापकीय सहयोग प्रदान गरेका थिए।

प्रशासनले नदी किनार क्षेत्रको अतिक्रमण हटाउने अभियानअन्तर्गत बस्ती खाली गराएको जनाएको छ।