आज सोमबार सुनचाँदीको मूल्य बढ्यो, कतिमा भइरहेछ कारोबार ?

काठमाडौं– नेपाली बजारमा सुनको मूल्यमा वृद्धि भएको छ । नेपाल सुनचाँदी व्यवसायी महासंघले आज (सोमबार) सुन तोलामा ४ हजार १०० रुपैयाँले बढेर प्रतितोला ३ लाख ४ हजार ६०० रुपैयाँमा कारोबार भइरहेको जनाएको छ ।

आइतबार छापावाल सुन प्रतितोला ३ लाख ५०० रुपैयाँमा किनबेच भएको थियो ।

यस्तै, आज चाँदीको मूल्यमा पनि वृद्धि भएको छ । आज चाँदी २४० रुपैयाँले बढेर प्रतितोला ५ हजार २५० रुपैयाँमा खरिदबिक्री भइरहेको महासंघले जनाएको छ ।

आइतबार चाँदीको मूल्य प्रतितोला ५ हजार १० रुपैयाँमा कारोबार भएको थियो ।