आज सुनचाँदीको मूल्य घट्यो, सुन ४२ सय घट्दा चाँदी प्रतितोला २७० रुपैयाँ सस्तियो

काठमाडौं । शुक्रबार पनि सुनचाँदीको मूल्य घटेको छ । सुन प्रतितोला ४२ सय र चाँदी प्रतितोला २७० रुपियाँ घटेको हो ।

नेपाल सुनचाँदी व्यवसायी महासंघका अनुसार आज सुन प्रतितोला २ लाख ९१ हजार रुपियाँमा कारोबार भइरहेको छ ।

त्यस्तै आज चाँदी प्रतितोला ४ हजार ७१० रुपियाँमा कारोबार भइरहेको छ ।

यसअघि माघ १५ गते सुन हालसम्मकै उच्च प्रतितोला ३ लाख ३९ हजार ३ सय र चाँदी प्रतितोला ७ हजार ३ सयमा कारोबार भएको थियो ।