सुनको मूल्य एकैदिन तोलामा १८ हजार ८०० ले घट्यो, आज कति पुग्यो तोलामा?

काठमाडौं । नेपाली बजारमा सुनको मूल्य स्वाट्टै घटेको छ । नेपाल सुनचाँदी व्यवसायी महासंघका अनुसार आइतबार (माघ १८) तोलामा १८ हजार ८०० रुपैयाँले घटेको हो ।

शुक्रबार (माघ १६) सुनको मूल्य प्रतितोला तीन लाख १८ हजार ८०० रुपैयाँमा कारोबार भएको थियो । आजको मूल्य प्रतितोला तीन लाख रुपैयाँ छ ।

त्यसैगरी, चाँदीको मूल्य तोलामा १५ सय ६५ रुपैयाँले घटेर पाँच हजार ५०० रुपैयाँ कायम भएको छ ।cशुक्रबार सात हजार ६५ रुपैयाँ थियो ।