एमाले छिरे शेयर व्यवसायी दीपेन्द्र अग्रवाल, ओलीले गरे स्वागत

काठमाडौं- शेयर व्यवसायी दीपेन्द्र अग्रवाल नेकपा एमालेमा प्रवेश गरेका छन् । जनता समाजवादी पार्टी (जसपा) नेपालका केन्द्रीय सदस्य समेत रहेका अग्रवाललाई एमालेका अध्यक्ष केपी शर्मा ओलीले पार्टीमा प्रवेश गराएका हुन् ।

शनिबार च्यासलस्थित एमालेको मुख्यालयमा आयोजित एक कार्यक्रममा अध्यक्ष ओलीले खादा र टीका लगाइदिएर अग्रवाललाई पार्टी प्रवेश गराएका हुन् ।

त्यस अवसरमा अग्रवालसहित विभिन्न राजनीतिक दलका नेता, कार्यकर्ता पनि एमाले प्रवेश गरेका थिए ।

शेयर कारोबारी अग्रवाल विभिन्न वित्तीय अपराध गरेको आरोपमा पटकपटक पक्राउ पर्दै आएका छन् । पछिल्लो पटक पुषमा पक्राउ परेका उनी झण्डै ५० लाख धरौटी बुझाएर रिहा भएका थिए ।