झिनो अंकले घट्यो शेयर बजार, ४ अर्ब ४८ करोडको कारोबार

काठमाडौं– मंगलबार नेपाल स्टक एक्सचेञ्ज (नेप्से) ०.५३ अंकले घटेको छ । ४ अर्ब ४८ करोड १३ लाख ९४ हजार रुपैयाँ बराबरको कारोबार हुँदा झिनो अंकले घटेर नेप्से २६४४.७० बिन्दुमा पुगेको हो ।

आज नेप्सेमा कारोबार भएकामध्ये १२५ वटा कम्पनीको सेयर मूल्य वृद्धि भयो भने ११९ वटा कम्पनीको सेयर मूल्यमा गिरावट आयो । तर, आज १३ वटा कम्पनीको सेयर मूल्य भने स्थिर रह्यो ।

आज नेप्सेमा कारोबार भएकामध्ये ५ वटा कम्पनीको सेयर मूल्यमा सकारात्मक सर्किट लागेको थियो । जसमध्ये सागर डिस्ट्रिलरी कम्पनीको सेयर बिक्री गर्नेले आज सबैभन्दा धेरै नाफा आर्जन गरे । त्यस्तै, मंगलबारको सेयर कारोबारमा ग्रिन भेन्चर लिमिटेडको सेयर बिक्री गर्नेले सबैभन्दा धेरै गुमाए ।

आज नेप्से झिनो अंकले घटेपनि अधिकांश समूहको उपसूचक भने सकारात्मक रह्यो ।