एनआरएनएलाई लगानीको ढोका खुल्यो

काठमाडौं- सरकारले आगामी आर्थिक वर्ष २०८३/८४ को बजेटमार्फत पुँजीबजार र लगानीकर्तालाई लक्षित गर्दै महत्त्वपूर्ण नीतिगत सुधार घोषणा गरेको छ ।

अर्थमन्त्री डा. स्वर्णिम वाग्लेले शुक्रबार संघीय संसद्को संयुक्त बैठकमा बजेट प्रस्तुत गर्दै सूचीकृत कम्पनीको धितोपत्र बिक्री गर्दा लाग्दै आएको पुँजीगत लाभकर (सीजीटी) लाई अन्तिम करका रूपमा व्यवस्था गरिने घोषणा गरे ।

लामो समयदेखि शेयर लगानीकर्ताले उठाउँदै आएको मागलाई सरकारले बजेटमार्फत सम्बोधन गरेको हो ।

सरकारले गैरआवासीय नेपाली (एनआरएनए) लाई दोस्रो बजारमा सहभागी गराउन आवश्यक कानुनी तथा नीतिगत व्यवस्था परिमार्जन गर्ने जनाएको छ ।

विदेशी लगानी स्वीकृति, लगानीको लेखाङ्कन, नाफा फिर्ता तथा पुँजीगत लाभकरसम्बन्धी व्यवस्थालाई समयानुकूल बनाइने अर्थमन्त्री वाग्लेले बताए ।