जेन-जी आन्दोलनका क्रममा भाटभटेनीमा जलेका १२ मृतकको पहिचान अझै हुन सकेन

काठमाडौं- गत भदौ २३ र २४ गते भएको जेन-जी आन्दोलनका क्रममा ज्यान गुमाएका ७६ जनामध्ये अझै पनि १२ मृतकको पहिचान हुन सकेको छैन ।

गृहमन्त्री ओमप्रकाश अर्यालले नेपाल प्रहरी जना ३ सहित पहिचान खुलेका नागरिक ५३ जना नागरिकका परिवारका लागि जनही १५ लाख रुपैयाँका दरले रकम निकासा गरिएको बताएका छन् ।

उनका अनुसार ती ७६ मृतकमध्ये १२ जनाको अझै पहिचान खुल्न सकेको छैन। त्यसरी पहिचान खुल्न नसकेका अधिकांश जलेकाहरू छन् । धेरैजसो आन्दोलनका क्रममा भाटभटेनीसहितका स्थानमा आगो लगाउन र लुट्न जाँदा जलेका थिए ।

मन्त्री अर्यालयका अनुसार रामेछापसहित देशका विभिन्न कारागारबाट भाग्न लाग्दा सुरक्षाकर्मीले चलाएको गोली लागेर १० जना कैदीको मृत्यु भएको थियो। जसमा एकजना विदेशी पनि छन् ।