आइटी कक्षा सञ्चालनका लागि देउसीभैलो कार्यक्रम

भोजपुर– बढ्दो सुचना प्रविधिमा विद्यार्थीको पहुँच बढाउन भोजपुरको पुर्वी अरुण गाउँपालिका वडा नम्बर–७, सिक्रेटारस्थित सगरमाथा माध्यमिक विद्यालयमा आइटी कक्षा सञ्चालनको तयारी थालिएको छ । सोही मुख्य उद्धेश्य पूरा गर्न यस वर्षको तिहारमा देउसीभैलो कार्यक्रम थालिएको छ ।

विद्यार्थीहरूलाई समयसापेक्ष प्राविधिक शिक्षा र कम्प्युटर प्रविधिको पहुँच बढाउन जरुरी रहेकोले विद्यालय त्यसको तयारीमा लागेको वडाध्यक्ष कुमार थापाले बताए ।

उनले विद्यालय परिवार, शिक्षक, विद्यार्थी तथा स्थानीय युवा हरूको सक्रिय सहभागितामा देउसीभैलो थालिएको बताए । पछिल्लो समय विद्यालयमा कम्प्युटर ल्याब स्थापना तथा आइटी कक्षा अनिवार्यरूपमा सञ्चालन गर्न आर्थिक अभाव भएपछि समुदायसँग सहयोग जुटाउन यो अभियान थालिएको विद्यालयले जनाएको छ ।