सेयरबजारमा सामान्य अंकको सुधार, चाडपर्वपछि बजार चलायमान हुने अपेक्षा

काठमाण्डौ । साताको अन्तिम कारोबार दिन सेयरबजारमा सामान्य अंकको सुधार देखिएको छ । नेप्से परिसूचक ८.२३ अंकले बढेर २६३४.१७ विन्दुमा उक्लिएको छ ।

नेप्सेमा सूचीकृत ३४८ कम्पनीको १ करोड ३३ लाख ६३ हजार ७१८ कित्ता सेयर किनबेच हुँदा ४ अर्ब ८७ करोड रुपैयाँमाथिको सेयर कारोबार भएको छ ।

आज ८ समूहमा हरियाली छाएको छ भने ५ समूहमा रातो रङ पोतिएको छ । सर्वाधिक बढ्नेमा म्युचुअल फण्ड समूह रहेको छ । यो समूह आज ०.७६ प्रतिशत बढेको छ ।

त्यस्तै, बैंकिङ समूह ०.७२ प्रतिशत, विकास बैंक समूह ०.४२ प्रतिशत, होटल तथा पर्यटन समूह ०.३१ प्रतिशत, हाइड्रो समूह ०.५२ प्रतिशत, जीवन बीमा समूह ०.०६ प्रतिशत, उत्पादन तथा प्रशोधन समूह ०.१५ प्रतिशत, माइक्रोफाइनान्स समूह ०.५३ प्रतिशतले बढेको छ ।

सर्वाधिक घट्नेमा व्यापार समूह ०.५४ प्रतिशतले घटेको छ । साथै निर्जीवन बीमा समूह ०.२९ प्रतिशत, लगानी समूह ०.०८ प्रतिशत, फाइनान्स समूह ०.२५ प्रतिशत र अन्य समूह ०.२९ प्रतिशतले घटेको छ ।