पूर्वराजा ज्ञानेन्द्रको प्रश्न– आर्थिक तथा प्रशासनिक क्षेत्र अस्तव्यस्त किन ?

काठमाडौँ । पूर्वराजा ज्ञानेन्द्र शाहले नेपालको राजनीतिक, संवैधानिक, न्यायिक, आर्थिक तथा प्रशासनिक क्षेत्र अस्तव्यस्त र अन्योलग्रस्त किन बनेको भन्दै प्रश्न गरेका छन् ।

विजयादशमी २०८३ को शुभकामना सन्देश जारी गर्दै उनले राज्य प्रणाली, राजनीतिक नेतृत्व, अर्थतन्त्रको गतिशीलता र प्रजातान्त्रिक आधार सुदृढ बनाउने विषयमा प्रश्न उठाएका हुन् ।

उनले वर्तमान राष्ट्रिय तथा भू–राजनीतिक परिस्थितिमा राष्ट्रियता र मौलिकताको संरक्षण गर्दै अघि बढ्नुपर्नेमा जोड दिएका छन् । देशका समस्या समाधान गर्न राष्ट्रिय एकता, सामाजिक सद्भाव र सहकार्य आवश्यक रहेको उनको भनाइ छ ।

पूर्वराजा शाहले भोटेकोशीमा आएको बाढीबाट विभिन्न जिल्लामा भएको जनधनको क्षतिप्रति दुःख व्यक्त गर्दै प्रकृतिसँग सन्तुलन कायम गर्नुपर्ने बताएका छन् ।