लामो समयपश्चात बढ्यो सेयरबजार, कारोबार रकम भने घट्यो

काठमाण्डौ । पछिल्लो समय निरन्तर खस्किरहेको सेयरबजारमा आज भने सुृधार आएको छ । मंगलबारको कारोबारमा नेपाल स्टक एक्सचेञ्ज (नेप्से) परिसूचक ०.३६ प्रतिशत अर्थात ९.२४ अंकले बढेर २ हजार ५२२.६६ विन्दुमा पुगेको छ। यससँगै बलिया तथा ठूला कम्पनीहरूको मापक सेन्सेटिभ इन्डेक्स पनि ०.३८ प्रतिशतले घटेर ४४६.१६ विन्दुमा पुगेको छ ।

आज नेप्सेमा सूचीकृत ३४१ वटा स्क्रिप्टको ७६ लाख १३ हजार ६८१ कित्ता सेयर किनबेच हुँदा कुल कारोबार रकम २ अर्ब ९० करोड ६९ लाख बढीको सेयर कारोबार भएको छ । अघिल्लो दिन भने ३ अर्ब ६१ करोड बढीको सेयर कारोबार भएको थियो ।