हिमालयन बैंकको नाफा १०४ प्रतिशतले बढ्यो

काठमाण्डौ । हिमालयन बैंक लिमिटेडले गत आवको चौथो त्रैमाससम्ममा १ अर्ब ४८ करोड रुपैयाँबराबरको खुद नाफा आर्जन गरेको छ । यो रकम अघिल्लो आवको तुलनामा १०४१.१६ प्रतिशतले बढी हो । बैंकले अघिल्लो आवको सोही अवधिसम्म १२ करोड ९७ लाख रुपैयाँ खुद नाफा कमाएको थियो ।

बैंकको खुद ब्याज आम्दानी भने घटेको छ । अघिल्लो आवको चौथो त्रैमाससम्ममा १० अर्ब ४५ करोड रुपैयाँ रहेको बैंकको खुद ब्याज आम्दानी घटेर ८ अर्ब ८१ करोड रुपैयाँमा सीमित बनेको छ । बैंकको खुद शुल्क तथा कमिशन आम्दानी पनि १ अर्ब १५ करोडबाट घटेर १ अर्ब ६ करोडमा सीमित बनेको छ । बैंकको खुद सञ्चालन आम्दानी ८ अर्ब २६ करोड र सञ्चालन मुनाफा २ अर्ब ६२ करोड रहेको छ ।

चौथो त्रैमाससम्म बैंकको रिटेन्ड अर्निङ ९ अर्ब ८४ करोड रुपैयाँले ऋणात्मक रहेको छ भने रिजर्भको आकार २६ अर्ब ८० करोड रुपैयाँ धनात्मक रहेको छ ।