लगातार आज तेस्रो दिन पनि घट्यो सेयरबजार

काठमाण्डौ । बुधबारको कारोबारमा पनि सेयरबजारमा गिरावट आएको छ । लगातार तेस्रो दिनपनि घट्ने क्रममा आज नेपाल स्टक एक्सचेञ्ज (नेप्से) परिसूचक ०.२८ प्रतिशत अर्थात ७.७९ अंकले घटेर २ हजार ६८८.८८ विन्दुमा सीमित बनेको छ। यससँगै बलिया तथा ठूला कम्पनीहरूको मापक सेन्सेटिभ इन्डेक्स पनि ०.१६ प्रतिशतले घटेर ४७० विन्दुमा झरेको छ ।

आज नेप्सेमा सूचीकृत ३४३ वटा स्क्रिप्टको ९७ लाख ७७ हजार ५१२ कित्ता सेयर किनबेच हुँदा कुल कारोबार रकम ४ अर्ब २ करोड ९३ लाख बढीको सेयर कारोबार भएको छ । अघिल्लो दिन भने ४ अर्ब ४२ करोड बढीको सेयर कारोबार भएको थियो ।