घट्यो सुनको मूल्य, कतिमा भइरहेको छ काराेबार ?

काठमाडौं– आजको कारोबारमा सुनको मूल्य १४ सय रुपैयाँले घटेको छ । यससँगै सुनको भाउ लगातार तीनदिन घटेको छ ।

आज सुनको कारोबार प्रतितोला २ लाख ८८ हजार रुपैयाँमा भइरहेको नेपाल सुनचाँदी व्यवसायी महासंघले जनाएको छ ।

हिजो सुनको मूल्य २ लाख ८९ हजार ४ सय रुपैयाँमा कारोबार भएको थियो ।

उता चाँदीको भाउपनि आज घटेको छ । अघिल्लो दिन प्रतितोला ४ हजार ५८५ रुपैयाँ निर्धारण भएको चाँदी आज ३० रुपैयाँले घटेर प्रतितोला ४ हजार ५५५ रुपैयाँमा सीमित बनेको छ ।