इरानले होर्मुज क्षेत्रमा अमेरिकी हेलिकोप्टर खसालेको दाबीसहित ट्रम्पले दिए नयाँ आक्रमणको अनुमति

एजेन्सी– अमेरिकी राष्ट्रपति डोनाल्ड ट्रम्पले इरानले स्ट्रेट अफ होर्मुजमा अमेरिकी अपाचे हेलिकोप्टर खसालेको आरोप लगाउँदै इरानविरुद्ध नयाँ सैन्य आक्रमणको अनुमति दिएका छन् ।

ट्रम्पका अनुसार उक्त घटनामा संलग्न दुई अमेरिकी पाइलट सुरक्षित रहेका छन्, तर आक्रमणको जवाफ दिन आवश्यक भएको भन्दै अमेरिका अघि बढेको हो ।

त्यसलगत्तै अमेरिकी केन्द्रीय कमाण्डले इरानमाथि आत्मरक्षात्मक आक्रमण पुनः सुरु गरेको घोषणा गरेको छ ।

आक्रमणपछि इरानको दक्षिणी बन्दरगाह शहर सिरिकलगायत होर्मुज क्षेत्रका विभिन्न स्थानमा विस्फोट भएको खबर आएको अल जजिराले जनाएको छ । यद्यपि, इरानले हेलिकोप्टर खसालेको दाबी पुष्टि वा खण्डन गरेको छैन ।

इरानी विदेशमन्त्री अब्बास अर्घाच्चीले अमेरिकी सेना होर्मुज क्षेत्रबाट फिर्ता हुनुपर्ने बताएका छन् । उनले इरानको सार्वभौमिकता उल्लंघन भए कडा जवाफ दिइने चेतावनी पनि दिएका छन् ।

यो घटनाले ८ अप्रिलमा भएको युद्धविराम सम्झौता संकटमा पार्ने जोखिम बढाएको छ । पछिल्ला दिनहरूमा इरान, अमेरिका र इजरायलबीच लगातार आक्रमण र प्रतिआक्रमण भइरहेका छन्, जसले पश्चिम एसियमा तनाव थप चुलिएको छ ।