साताको अन्तिम दिन बढ्यो शेयर वजार, कारोबार रकम भने घट्यो 

काठमाडौं । साताको अन्तिम कारोबार दिन बिहीबार (फागुन १४) सेयर बजार सामान्य अंकले बढेको छ ।

नेपाल स्टक एक्सचेन्ज (नेप्से)का अनुसार, यस दिन बजार ६.०३ अंक अर्थात् ०.२२ प्रतिशतले बढेर २६५४.९३ विन्दुमा बन्द भयो ।

३३५ कम्पनीको एक करोड ५३ हजार कित्ता सेयर किनबेच हुँदा चार अर्ब १७ करोड रुपैयाँको कारोबार भयो ।

अघिल्लो दिन चार अर्ब ४५ करोड रुपैयाँबराबरको सेयर किनबेच भएको थियो ।

सालपा विकास बैंक र रिलायन्स स्पिनिङ मिल्सको सकारात्मक सर्किट लेभलमा कारोबार भयो । सालपाको प्रतिकित्ता ५३ र रिलायन्सको ४८ रुपैयाँले मूल्य बढ्यो । १० प्रतिशत नबिल डिबेन्चरका लगानीकर्ताले ३.६० प्रतिशत गुमाए ।