सुनचाँदीको भाउ बढ्यो, कतिमा हुँदैछ कारोबार ?

काठमाडौं। नेपाली बजारमा आज सुन–चाँदीको भाउ बढेको छ।   बिहीबार तोलामा पाँच सय रूपैयाँ बढेको सुनको भाउ आज दुई हजार ९०० रूपैयाँ बढेको हो।

नेपाल सुनचाँदी व्यवसायी महासंघका अनुसार आज सुन प्रतितोला दुई लाख ९५ हजार ७०० रूपैयाँ कायम भएको छ।

बिहीबार सुन प्रतितोला दुई लाख ९२ हजार ८०० रूपैयाँमा कारोबार भएको थियो।  यस्तै, आज चाँदीको मूल्य पनि बढेको छ।

बिहीबार प्रतितोला चार हजार ३९० रूपैयाँमा कारोबार भएको चाँदी आज तोलामा चार हजार ४०५ रूपैयाँ कायम भएको छ। यो मूल्य अघिल्लो दिनको तुलनामा प्रतितोला १५ रूपैयाँ बढी हो।