सुनिल थापाको सम्झनामा प्रियंका चोपरा : “तपाईं सधैं मेरो जीवनका मार्गदर्शक रहनुहुनेछ”

प्रियंकाले ‘मेरी कोम’ चलचित्रको एक भावनात्मक दृश्य साझा गर्दै सुनिल थापालाई सह–कलाकार मात्र नभई आफ्नो जीवनको प्रेरणास्रोत र मार्गदर्शकका रूपमा स्मरण गरेकी छन्। व्यक्तिगत जीवनको कठिन समय, विशेषतः बाबुको निधनपछि आफू अत्यन्तै कमजोर अवस्थामा हुँदा थापाले दिएको साथ, माया र हौसला उनले कहिल्यै नबिर्सने उल्लेख गरेकी छन्।

उनले लेखेकी छन्, “तपाईं सधैं मेरा कोच सर नै रहनुहुनेछ। मलाई थाहा नभएको बेलामा पनि तपाईंले परिवारझैं माया गर्नुभयो र कठिन क्षणहरू पार गर्न शक्ति दिनुभयो।”

थापाको मुस्कान, सरलता र सकारात्मक सोच आफ्नो मनमा सधैं जीवित रहने भन्दै प्रियंकाले उनको असामयिक निधनप्रति गहिरो दुःख व्यक्त गरेकी छन्। साथै, उनले दिवंगत थापाको परिवारप्रति सहानुभूति र समवेदना प्रकट गरेकी छन्।