भुजुङ हाइड्रोपावरको आइपीओ पहिलो दिनमै ओभरसब्सक्राइब्ड, १० गुणा बढी आवेदन

काठमाण्डौ । भुजुङ हाइड्रोपावर लिमिटेडको आइपीओ पहिलो दिनमै ओभरसब्सक्राइब्ड भएको छ । सिडिएस एण्ड क्लियरिङ्ग लिमिटेडका अनुसार आज पहिलो दिनमै कम्पनीको आइपीओमा १०.३३ गुणा बढी आवेदन परेको छ ।

कम्पनीको आइपीओमा कुल ८५ करोड ७३ लाख ९३ हजार रुपैयाँ बराबरको ८५ लाख ७३ हजार ९३० कित्ताका लागि आवेदन परेको छ, जुन यो मागभन्दा १० गुणा बढी आवेदन हो ।

कम्पनीले आजदेखि सर्वसाधारणका लागि आईपीओ निष्कासन तथा बिक्री आवेदन खुला गरेको छ । कम्पनीले आम सर्वसाधारणका लागि ८ लाख ३० हजार कित्ता सेयर जारी गरेको हो ।

कम्पनीले सामूहिक लगानी कोषका लागि ५० हजार कित्ता र कर्मचारीहरुका लागि २० हजार कित्ता छुट्टाएको छ । लगानीकर्ताले न्यूनतम १० कित्ता र अधिकतममा ५० हजार कित्ताका लागि आवेदन दिन सक्नेछन् ।

लगानीकर्ताले नेपाल धितोपत्र बोर्डबाट स्वीकृती प्राप्त आस्बा सदस्य बैंक तथा वित्तीय संस्थाहरु र तिनले तोकेका शाखा कार्यालयहरुबाट आवेदन दिन सक्नेछन् ।