शंकर पोखरेलले दिए महासचिव पदमा उम्मेदवारी

काठमाडौं– नेकपा एमालेका महासचिव शंकर पोखरेलले फेरि महासचिव पदका लागि उम्मेदवारी दर्ता गराएका छन्।

उपमहासचिव प्रदीप ज्ञवालीको असन्तुष्टिबीच पोखरेलको उम्मेदवारी दर्ता भएको हो। उपमहासचिव ज्ञवाली र पृथ्वी सुब्बा गुरुङलाई उपाध्यक्षको उम्मेदवार बनाउन ओली प्यानलले चाहे पनि उनीहरूले उम्मेदवारी दिएका छैनन्।

ज्ञवालीले महासचिवमा उम्मेदवारी नदिए आफू पदाधिकारीमा नदोहोरिने भन्दै महाधिवेशन स्थल छोडेर हिँडेका छन् ।

गुरुङले ज्ञवालीलाई समर्थन जनाउँदै उनलाई महासचिवको उम्मेदवार नबनाई आफूले उपाध्यक्षमा उम्मेदवार नदिने बताइरहेका छन्।