अस्ट्रेलियाको चुनावमा सत्तारुढ लेबर पार्टी विजयी

काठमाडौं– अस्ट्रेलियामा आयोजित संसदीय निर्वाचनमा सत्तारुढ लेबर पार्टी विजयी भएको छ । शनिबार आयोजित निर्वाचनमा लेबर पार्टीले स्पष्ट बहुमत प्राप्त गरेको अस्ट्रेलियाको प्रसारक संस्था एबीसीले उल्लेख गरेको छ ।

एबीसीका अनुसार लेबर पार्टीले ८५ सिट जित्ने अपेक्षा गरिएको छ । यस निर्वाचनमा विपक्षी नेशनल र लिबरल पार्टीको गठबन्धनले पराजय भोगेको छ ।

गठबन्धनका नेता पिटर डुटन आफैँ पराजित भएका छन् । ब्रिस्बेनको सिटमा उनलाई लेबर पार्टीकी एली फ्रान्सले पराजित गरेकी हुन् ।

डुटनले निर्वाचनमा भोगेको पराजय स्वीकार गर्दै प्रधानमन्त्री एन्थोनी अल्बानिजलाई बधाइ दिएका छन् ।