प्रिमियम मूल्यमा आईपीओ ल्याउन लागेका कम्पनीविरुद्ध बोर्डमा उजुरी, सेयर बेच्नेमा धेरैजसो जलविद्युत् कम्पनी

काठमाडौं । धितोपत्र बोर्डले प्रिमियम मूल्य र बुक बिल्डिङ विधिबाट साधारण सेयर (आईपीओे) निष्कासन विवाद बढेको देखेपछि एक्सन लिने भएको छ ।

प्रिमियममा सेयर निष्कासन रोकेको यही मौकामा आईपीओे निष्कासन तयारीमा रहेका केही कम्पनीका सञ्चालकहरूले धितोपत्र बोर्डको स्वीकृतिविनै भित्रभित्रै प्रिमियम दर लिएर सेयर बिक्री गरिरहेको खुलेकोल़े एक्सन लिन लागेको हो ।

धितोपत्र बोर्डको स्वीकृतिबेगर नै प्रिमियम मूल्यमा धमाधम सेयर बेच्नेमा धेरैजसो जलविद्युत् कम्पनीका सञ्चालकहरू रहेको पाइएको छ ।

अंकित मूल्यमा यति प्रिमियम थपेर आईपीओे निष्कासन गर्न भन्दै ति कम्पनीका सञ्चालकहरुले पछि महंगो हुने र अहिले किन्दा सस्तोमा दिने भन्दै धमाधम प्रिमिमय मूल्यमा लगानीकर्तालाई सेयर बिक्री गरिरहेको पाइएको छ ।

कतिपय कम्पनीको राम्रो वित्तीय विवरण देखाएर १ सय रुपैयाँ अंकित मूल्य भएको कम्पनीको सेयर २ सय रुपैयाँ बढी मूल्य लिएर भित्रभित्रै बिक्री भइरहेको उजुरी धितोपत्र बोर्डमा पुगेको थियो । धितोपत्र निष्कासन नियमावलीअनुसार बोर्डको स्वीकृति बेगर बढी मूल्य लिएर सेयर बेच्न पाइँदैन ।